سمك لبن تمرحنا وهندوتمر منى كمان

ايه اللى بيحصل دا ايه اللى انا شايفه دا     الامور بقيت خلطبيطه    المبتدأ بقى خبر والخبربقى مضاف     والفعل بقى فاعل والفعل لطوبه واللوم على أمشير     والجبرهندسه والهندسه مثلثات ومستاتات ومسبعات    والفوق بقى تحت والعالى بقى واطى     والاسدطلع قطه والسبع ملحقش ضبع     الحاكم بقى محكوم ومسجون ومقهور     والمسجون بقى سجان     وتقلبت الآيه الظالم بقى مظلوم والمظلوم بقى ظالم    والفرعون نايم عيان وعن اللى بيجراله ماعاد دريان     خلطبيطه واللى مايشتري يتفرج فى مزاد بيع الوطن    ماهو الجاهل بقى فيلسوف وحكيم زمانه كمان مع انه مبيعرفش قد حمار الحكيم لكن دنيا العجب     وسبحان الواحد القهار يعز من يشاء ويزل من يشاء    الكل بيتكلم ومحدث بيسمع كلنا بنقول وماحدش بينفز    كلنا بندبح الوطن وفاكرين بنعالجه     اتخلصنا من ديكتاتور عشان يبقى عندنا 80مليون ديكتاتور     أيوه كلنا جوانا الشخص السقيل دا اللى اسمه الأناكل واحد مابيسمعش غير صوته وفاكر نفسه هو اللى صح وباقى الناس حمير    ودى أول درجات الدكتاتوريه     بنى اسرائيل صنعوا العجل وعبدوه وبنى مصر صنعوا فرعون وعظموه ونافقوه وهاتك ياأغانى تحدث عن مزايا ليست لها فى الحقيقه من شيئ     الملحن يلحن والكاتب يكتب والمطرب يطرب عن انجازات الاب الروحى والاب الانسان والعقل الحكيم والقلب الكبيروالقائد المظفر رغم انه فى الحقيقه لم يخوض حربا فى حياته بل لم يطلق طلقه من مسدسه ال>ي يتعاجب به  فى حياته أوأمام حبيبته أوزوجته ويعمل فيها سبع البرمبه     ونعيش فى كدبه من صنع المنافقين والكدابين ويصدق نفسه انه مش قصير أوزعه آنما طويل وأهبل    ايه الخلطبيطه اللى أنا بكتبه بس ....ومين هيقراه  بس أقروا مش بقيت خلطبيطه

ايه ياعم طهقان طهقتنا معاك علعموم مقاله جميله وبتحكى على حالنا بأسلوب ساخر